Yemali yi ak yemadi yi

Yemale ak yemadi

Yemale bu deetxamam

Yemoo gii di $a+x=b$, ci loo xamne $a$ ak $b$ ay fukkeel yu ñu joxe la, dëes na ko tuddee ab yemale bu deetxamam (inconnue) nekk $\boldsymbol{x}$.

Sottali yemale $a+x=b$ ci bënn mbooloo, mooy nga fexe ba gennee ci mbooloo mòmu njëgug deetxam bii di $x$ ngir yemoo bi jub.

Yemale bii di $a+x=b$ ab sottalam mooy $x=b-a$.

Yemale bu xaajale

Ngir sottali bënn yemale bu nekk ci melokaanu $ax=b$ te $a \neq 0$, da ñuy xaajale $b$ parci $a$.

Su fekke ne $a \neq 0$, yemale $ax=b$ sottalam da fay nekk $x=\dfrac{b}{a}$.

Yemadi bu deetxamam

Wuute bii di $a+x < b$, fu $a$ ak $b$ nekkee ay fukkeel yu ñu joxee ñu ngi koy woowee ab yemadi bu deetxamam nekk $\boldsymbol{x}$.

Ci bënn yemadi ñaari cërr yi bënn mandargaay wuute moo leen di xaajale.

$a+x$ mooy cërr wu njëkk wu yemadi gi te $b$ mooy cëruk ñaareel wi.

Sottali yemadi

Ngir sottal yemadi gii di : $a+x \leq b$, da ngay yokk ci ñaari cërr yi feewëloo bu $a$, nga daal di am yemadi gii di : $x \leq b+ \text{feewëlook } a$ (maanaam $x \leq b-a$).

Su boobaa di nga mana soppi sottal gi ci bënn nataal.

Ay misaal

$2,5+x < 6$  ; $x < 6-2,5$  ; $x < 3,5$

Mbooloom sottal yi mooy wàll gi ñu rëddul.

$7+x \geq 1,2$  ; $x \geq 1,2-7$  ; $x \geq-5,8$

Mbooloom sottal yi mooy wàll gi ñu rëddul.